பீகார் மாநிலம் ரோத்தாஸ் மாவட்டத்தைச் சேர்ந்த முன் னாள் சட்டமன்ற உறுப்பினரான பிரதீப் ஜோஷி, ஆண்டுதோறும் ‘ஷ்ரவண்’ மாதத்தில் பக்தர்களை ஆன்மீக சுற்றுலா அழைத்துச் செல்வதை வழக்கமாகக் கொண்டுள்ளார்.
இவருடைய மனைவி ரஷ்மி ஜோதி, இப்போது அந்தத் தொகுதியின் சுயேச்சை எம்எல்ஏ வாக இருக்கிறார். அந்த வகையில் இந்த ஆண்டும் ஜார்க்கண்ட் மாநிலம் தியோகர் என்ற இடத்தில் உள்ள சிவன் கோவிலுக்குத் தனி பேருந்தில் சுற்றுலா ஏற்பாடு செய்யப்பட்டிருந்தது.
ஆன்மீகச் சுற்றுலா நல்ல விதமாக முடிந்த நிலையில், நேற்று அதிகாலையில் ரங்க பாத்தில் இருந்து 10 கி.மீ. தொலைவில் முஃபசில் காவல் நிலைய எல்லைக்கு உட்பட்ட புதுடெல்லி-கோல்கத்தா தேசிய நெடுஞ்சாலையில் பேருந்தை நிறுத்திவிட்டு பக்தர்கள் சாலை ஓரமாக உறங்கிக்கொண்டு இருந்தனர்.
அப்போது, வேகமாக வந்த ‘கண்டெய்னர்’ லாரி ஒன்று திடீரென கட்டுப்பாட்டை இழந்து சாலையை விட்டு விலகி ஓடி, தூங்கிக்கொண்டிருந்த பக்தர் கள் மீது ஏறி நசுக்கியது. இதில் 12 பேர் அதே இடத்தில் உடல் நசுங்கி பலியாயினர்.
