ஹமாஸ் அமைப்பின் செய்தி தொடர்பாளர் கூறுகையில் , இந்த போர் நிறுத்தம் உலக நாடுகளின் வேண்டுகோளுக்காகவும் ரம்சான் வர இருப்பதாலும் இன்றிலிருந்து அடுத்த 24 மணி நேரத்திற்கு நடைமுறை படுத்தப்படும் என்றார் . இதற்கு முன் சனிக்கிழமை அன்று இஸ்ரேல் ராணுவம் போர் நிறுத்தம் கோரி இருந்தது . ஆனால் இதை மறுத்து ஹமாஸ் அமைப்பினர் தொடர்ந்து ஏவுகணை தாக்குதல் நடத்தினர் . இதையடுத்து இஸ்ரேல் ராணுவம் மீண்டும் தாக்குதல் நடத்தப் போவதாக அறிவித்தனர் . 20 நாட்களுக்கு மேலாக நடந்து வரும் இந்த போரில் 1,500 க்கும் மேற்பட்ட பாலஸ்தீனியர்கள் கொல்லப்பட்டுள்ளனர் . அதில் பாதிக்கும் மேற்பட்டோர் அப்பாவி பொது மக்கள் என்பது குறிப்பிடத்தக்கது .
