நேற்று நடந்த இறுதிப்போட்டியில் அர்ஜென்டினா, ஜேர்மனி அணிகள் மோதின. பல நாட்டு ரசிகர்களும் அர்ஜென்டினா வெற்றி பெற வேண்டும் என்று தனது ஆதரவை அர்ஜென்டினா அணிக்கு அளித்து வந்தனர்.
பிரேசில் அணியின் நட்சத்திர ஆட்டக்காரர் நெய்மர் கூட மெஸ்ஸி கிண்ணம் வெல்ல வேண்டும் என்று தனது விருப்பத்தை தெரிவித்திருந்தார். ஆனால் பலம் வாய்ந்த ஜேர்மனி அணிக்கு முன்னால் ஏதும் எடுபடாமல் போய் விட்டது.
இந்தப் போட்டிக்கு முன்னதாக அர்ஜென்டினா அணியின் கோல் கீப்பர் ரொமிரோவின் மனைவி அர்ஜென்டினா வெற்றி பெற்று விட்டால் எனது கணவரை பொப் பாடகி ரிஹானாவிடம் ஒரு வாரம் அனுப்பி வைப்பேன் என்று பரபரப்பான ஆஃபர் ஒன்றை அறிவித்தார்.
இது பற்றி ஆங்கில தொலைக்காட்சி ஒன்றுக்கு பேட்டியளித்த கோலியின் மனைவி எலியானா கூறுகையில், அர்ஜென்டினா கிண்ணம் வென்றால் அதை விட மகிழ்ச்சி ஏதும் இல்லை.
எனது அணி மட்டும் கிண்ணத்தை வென்றால், நான் எனது கணவர் ரொமிரோவை ரிஹானாவுடன் ஒரு வாரம் தங்க அனுமதிப்பேன். அவர் சந்தோஷமாக ரிஹானாவுடன் ஒரு வாரத்தைக் கழிக்கலாம். நானே வழியனுப்பி வைப்பேன் என்று கூறியிருந்தார்.
முன்னதாக தனக்கு ரொமிரோவை ரொம்பப் பிடிக்கும் என்று பாடகி ரிஹானவே கூறியிருந்தார். இதை மனதில் வைத்துத்தான் இப்படி ஒரு பேட்டியை அளித்திருந்தார் எலியானா.
அரையிறுதியில் நெதர்லாந்துடன் அசத்திய ரொமிரோ நேற்று போட்டியில் கடைசி நேரத்தில் ஒரு கோலை தவறவிட்டு அர்ஜென்டினாவை தோற்கடித்து விட்டார். கடைசியில் அவருக்கு ஏதும் கிடைக்காமல் போய் விட்டது.
