உலகை உலுக்கி வரும் எபோலா நோயினை தீர்க்கும் மருந்தை கண்டுபிடிக்கும் ஆய்வில் , கண்டுபிடிக்கப்பட்ட மருந்து ஆய்வுக்கு உட்படுத்தப்பட்ட 18 குரங்குகளின் எபோலா நோயினையும் சரி செய்தது . இது ஆராய்சியாளர்களின் மத்தியில் ஒரு நம்பிக்கையை ஏற்படுத்தியுள்ளது .
இசட்-மேப் (z-map) என்னும் பெயரிடப்பட்டுள்ள அந்த மருந்து , குரங்குகளுக்கு எபோலா நோய் தாக்கப்பட்ட மூன்று முதல் ஐந்து நாளில் கொடுக்கப்பட்டது . முக்கியமாக எபோலா நோய் அறிகுறிகள் தென்பட்டப் பிறகே மருந்து கொடுக்கப்பட்டது .
இது குறித்து ஆய்வு நடத்திய கேரி கோபிங்கர் கூறுகையில் , " இந்த ஆய்வின் முடிவுகள் நாங்கள் எதிர்பார்த்தற்கு அதிகமாகவே கிடைத்துள்ளது " என்றார் .
இந்த மருந்து மனிதர்களிடம் எந்த அளவு வேலை செய்யும் என்று தெரியவில்லை . இன்னும் சில ஆய்வுகள் முடிந்த பின்னரே மனிதர்களுக்கு பாதுகாப்பானதா என்று அறிய முடியும் . இதுவரை எபோலா நோயினால் 1,500 க்கும் மேற்பட்ட மக்கள் இறந்துள்ளனர் . மேலும் 20,000 மக்கள் அந்த நோயினால் பாதிக்கப்பட்டுள்ளனர் .
கூடிய விரைவில் மருந்து கண்டுபிடிக்க வேண்டும் என்பதே அனைத்து தரப்பு மக்களின் எதிர்பார்ப்பாகவும் இருக்கிறது .
