இவர்களின் முகங்களுக்கு இருக்கும் வெளிச்சத்திற்காகவே பல திரையரங்குகளில் வெளியிடுகின்றனர்.பல கார்ப்பரேட் கம்பெனிகளின் வருகையால் நசிந்த சிறு தொழில் போல், இந்த மின்னும் நட்சத்திரங்களால் பல சின்ன பட்ஜெட் படங்கள் வெறும் ரீலாக பெட்டிக்குள் தூங்கி கொண்டிருக்கிறது. இதற்கு எல்லாம் மக்களின் ரசனையை காரணம் காட்டி இவர்கள் தப்பித்து விடுகிறார்கள்.இந்தியாவே வியந்து பார்க்கும் சூப்பர் ஸ்டாரும், உலக நாயகனும் ஒரு காலத்தில் சின்ன பட்ஜெட் படங்களில் நடித்து தான் இந்த நிலைக்கு உயர்ந்துள்ளனர் என்பதை அனைவரும் மனதில் கொள்ளவேண்டும்.ஏற்கனவே பிரபலமான ஒரு முகத்திற்கு ஏன் கோடிக்கணக்கில் செலவு செய்து ப்ரோமோஷன் செய்யவேண்டும், குறிப்பாக சாட்டிலைட் ரைட்ஸ் வாங்கிய தொலைக்காட்சிகள் அந்த படத்தின் ப்ரோமோஷன் செய்யும் போது நம்மை கோபத்தின் உச்சிக்கே கொண்டு செல்லும் வகையில் இருக்கும்.
சமீபத்தில் கூட பல பெரிய நடிகர்களின் படங்களின் வருகைக்காக தள்ளிப்போட்டு கிட்டத்தட்ட 2 மாதங்கள் கழித்து வெளிவருகிறது ஜிகர்தண்டா. இப்படத்தின் இயக்குனர் தமிழ் சினிமாவையே அடுத்த கட்டத்திற்கு எடுத்து சென்ற பீட்ஸா என்ற படைப்பை உருவாக்கியவர். அவருக்கே இந்த நிலைமை என்றால், மற்றவர்களின் நிலைமையை நீங்களே யோசித்து பாருங்கள்.இது மட்டுமின்றி மூடர்கூடம், தங்கமீன்கள், ஆதலால் காதல் செய்வீர் போன்ற தரமான படங்களே வெளிவர முடியாமல், பல பேரின் கண்ணீல் பட்டு, ஏதோ நல்ல உள்ளம் கொண்ட மனிதர்களின் பார்வையில் பட்டதால் தான் திரைக்கு வந்தது.வந்து என்ன பயன், தரமற்ற பல படங்களுக்கு கதாநாயகன் என்ற ஒரு வார்த்தைக்காக ஜவுளிக்கடை விளம்பரம் போல் ப்ரோமோஷன் செய்வோர் மத்தியில் இந்த படங்கள் வெற்றி பெற்றிருந்தால் தான் ஆச்சரியம்.இங்கு எல்லோரும் பணத்திற்காக தான் படம் எடுக்கிறார்கள், அதிலும் சினிமாவை வாழ வைக்க வேண்டும் என்ற நல்ல எண்ணத்துடன் படம் எடுப்பவர்கள் சிலர், அந்த சிலரும் காற்றில் பறக்கும் காகிதமாக, திசை தெரியாமல் பறந்து கொண்டிருக்கின்றனர்.தமிழ் சினிமாவை உலக அரங்கிற்கு கொண்டு செல்லவேண்டும் என்றால், கதாநாயகர்களை தவிர்த்து கதையின் நாயகர்களாக நடிப்பவர்களை ஊக்குவித்தால் தான் சாத்தியம். தமிழ் மக்கள் என்றும் புதிய முயற்சியை வரவேற்பார்கள். அதனால் இந்த காகிதங்களை நூல் படித்து பட்டங்களாக பறக்க வைப்பது தயாரிப்பாளர்கள், விநியோகஸ்தர்கள் கையில் தான் உள்ளது.
