ஒரு நல்ல ஒரு செயலுக்காக தொடங்கப்பட்ட ஐஸ் பக்கெட் சேலஞ்ச் அந்த நல்ல செயலை மறந்து விட்டு அதன் போக்கிற்கு சென்று இப்போது பலரால் ஜாலியாக செய்யப்பட்டு வருகிறது . ஆனால் இதை வைத்து ஏழைகளுக்கு உதவ வேண்டும் என்ற நோக்கில் ஹைதராபாத்தைச் சேர்ந்த 38 வயதான மஞ்சு லதா கலாநிதி என்ற பெண் தனது அறிவை பயன்படுத்தி கண்டு பிடித்தது தான் இந்த ரைஸ் பக்கெட் சேல்ஞ்ச் .
இந்த சேலஞ்சில் உங்கள் ஏரியாவில் உள்ள ஏழைகளுக்கு சோறு வாங்கி கொடுக்க வேண்டும் அல்லது அரிசி வாங்கி கொடுக்க வேண்டும் , முடியவில்லை என்றால் அருகே உள்ள அரசு மருத்துவமனைக்கு 100 ரூபாய் மதிப்பில் மருந்துகள் வாங்கி கொடுக்க வேண்டும் . இதனை இவர் ஆகஸ்டு 24 ஆம் தேதி தொடங்கினார் .
இவரை தொடர்ந்து 1000 த்துக்கும் மேற்பட்டோர் இதை செய்தனர் . அப்படி என்றால் இதுவரை 1000த்துக்கும் மேற்பட்டோர் வயிறார உணவு உண்டுள்ளனர் என்பது தானே அர்த்தம் .
இதை எடுத்து பேஸ்புக்கில் போட்டோவாக போடவும் தொடங்கி உள்ளனர் . இந்த போட்டோவுடன் #Ricebucketchallenge என்ற ஹேஷ்டேக்கை பயன்படுத்த வேண்டும் .
