இளைய தளபதி விஜய் தற்போது நடித்து வரும் படம் கத்தி. இதனை துப்பாக்கி படத்தின் வெற்றி இயக்குனர் ஏ.ஆர். முருகதாஸ் இயக்குகிறார். சமந்தா நாயகியாக நடித்துள்ளார். கொலைவெறி நாயகன் அனிருத் இசையமைத்துள்ளார். இந்த படத்துக்கு பல பிரச்சனைகள் வந்துள்ளது. அதையெல்லாம் தாண்டி படம் வெற்றி பெறுமா என்று தெரியவில்லை.
இந்நிலையில் இந்த படம் வெளிவருவதற்கு முன்பே புதிய சாதனை படைத்து விட்டது. இந்த படத்தின் இசைக்கான உரிமையை எராஸ் மியூசிக் நிறுவனம் வாங்கி உள்ளது. 5 நாட்களுக்கு முன் தான் இந்த நிறுவனத்துக்கு சவுந்தர்யா ரஜினிகாந்த் பொறுப்பேற்றார். அவர் பொறுப்பேற்ற பின் வாங்கும் முதல் படம் இதுவாகும். ஒரு படத்தின் இசை உரிமையை அதிக தொகைக்கு விற்கபட்டது "கத்தி" படம் என்று புதிய சாதனை படைத்துள்ளது. இது குறித்த அதிகாரபூர்வமான தகவல்கள் இன்னும் சில நாட்களில் வெளிவரும். இந்த படத்தின் இசை செப்டம்பர் 18 ஆம் தேதி வெளிவர வாய்ப்பு உள்ளது.
