இந்தியாவில் நடத்தப்படும் ஐ.பி.எல் போட்டிகள் போலவே மேற்கிந்திய தீவுகள் அணியில் கரீபியன் பிரிமியர் லீக் (சி.பி.எல்.,) தொடர் நடத்தப்படுகிறது.
இதில் முதலில் துடுப்பெடுத்தாடிய ரெட் ஸ்டீல் என்ற அணி, 20 ஓவரில் 8 விக்கெட்டுக்கு 118 ஓட்டங்கள் எடுத்தது. பின்னர் களமிறங்கிய கயானா அமேசான் வாரியர்ஸ் என்ற அணி 20 ஓவரில் 9 விக்கெட்டுக்கு 118 ஓட்டங்கள் எடுக்க, போட்டி ‘டிரா’ ஆனது.
இதைத் தொடர்ந்து ஆட்டத்தின் முடிவை தெரிந்து கொள்ள சூப்பர் ஓவர் வழங்கப்பட்டது. இதில் அதிக ஓட்டங்கள் எடுக்கும் அணி வெற்றி பெற்றதாக அறிவிக்கப்படும்.
முதலில் களமிறங்கிய காயானா அணி, ஒரு ஓவரில் ஒரு விக்கெட்டுக்கு 11 ஓட்டங்கள் எடுத்தது. பின்னர் 12 ஓட்டங்கள் எடுத்தால் வெற்றி என்ற எளிய இலக்கோடு வந்த ரெட் ஸ்டீஸ் அணிக்கு, கயானாவின் சுனில் நரைன் பந்துவீசினார்.
முதல் நான்கு பந்தில் ஒரு ஓட்டங்கள் கூட வழங்காத நரைன், 5வது பந்தில் பூரனை வீழ்த்தினார்.அதே போல் கடைசி பந்திலும் ஒரு ஓட்டங்கள் கூட கொடுக்கவில்லை.
இதனையடுத்து கயானா அணி வெற்றி பெற்றது. இதன் மூலம் டி20 வரலாற்றில், சூப்பர் ஓவரை ‘மெய்டனாக’ வீசிய முதல் பந்து வீச்சாளர் என்ற புதிய உலக சாதனை படைத்தார்.
