முதல்வர் தனி பிரிவிற்கு மதுரையை சேர்ந்த அபிராமி சுந்தரி அளித்துள்ள மனுவில் கூறியிருப்பதாவது:என்னுடைய கணவர் செந்தில் குமார் கடந்த 2002ம் ஆண்டு கடன் தொல்லை தாங்க முடியாமல் தற்கொலை செய்து கொண்டார். என்னுடைய இரண்டு மகள்கள் நிலா (15), ரம்யா(14) ஆகியோரை கூலி வேலைக்கு சென்று காப்பாற்றி வந்தேன். என்னுடைய மகள் ரம்யா மன வளர்ச்சி குறைபாட்டால் பாதிக்கப்பட்டிருப்பதால் அவளை பார்த்து கொள்ள அடிக்கடி விடுப்பு எடுப்பேன். மற்றவர்களுடைய உதவி இல்லாமல் எந்த வேலையும் அவளால் செய்ய முடியாது. இந்த நிலையில் அடிக்கடி விடுப்பு எடுப்பதால் என்னை வேலையை விட்டு நிறுத்திவிட்டனர். எனவே மகளை என்னால் பார்த்து கொள்ள முடியவில்லை. நான் பிஏ படித்துள்ளேன். குடும்ப சூழ்நிலையை கருத்தில் கொண்டு அரசு வேலையை வழங்கினால் எப்படியாவது மகளை பார்த்து கொள்வேன். இல்லையென்றால் என்னுடைய மகள் ரம்யாவை கருணை கொலை செய்ய அனுமதி வேண்டும். இவ்வாறு அதில் குறிப்பிடப்பட்டிருந்தது
