இப்படத்தின் படப்பிடிப்பு தொடர்ந்து நடைபெற்று வரும் நிலையில், நீல் முகேஷும், விஜய்யும் மோதும் காட்சிகள் தற்போது சென்னையில் படமாக்கப்பட்டு வருகிறது. இதைத் தொடர்ந்து ஒரு பாடல் காட்சியை படமாக்க படக்குழுவினர் வெளிநாடு செல்லவுள்ளனர். மேலும், ஒரு பாடலை அடுத்த மாதம் வடஇந்தியாவில் படமாக்கவுள்ளனர். இப்படத்தின் படப்பிடிப்பை அடுத்த மாத இறுதிக்குள் முடித்துவிட்டு, இறுதிக்கட்ட பணிகளை தொடங்க திட்டமிட்டுள்ளார் இயக்குனர் ஏ.ஆர்.முருகதாஸ்.
‘கத்தி’ படத்தில் விஜய் இரட்டை வேடத்தில் நடிக்கிறார். அனிருத் இசையமைக்கிறார். ஜார்ஜ் சி.வில்லியம்ஸ் ஒளிப்பதிவு செய்கிறார். ஐங்கரன் இண்டர்நேஷனல் நிறுவனமும், லைக்கா புரொடக்சன்ஸ் நிறுவனமும் இணைந்து இப்படத்தை தயாரிக்கிறது. வரும் தீபாவளிக்கு படத்தை வெளியிட முடிவு செய்துள்ளனர்.
