தீபா சன்னிதி கன்னடத்தில் முன்னணி நாயகியாக இருக்கிறார். ‘யட்சன்’ படம் மூலம் தமிழில் அறிமுகமாகியுள்ளார். சித்தார்த்துடன் நடிக்கவும் புதுப்படமொன்றில் ஒப்பந்த மாகியுள்ளார். ஆர்யாவுடன் ஏற்கனவே பல நடிகைகள் இணைத்து பேசப்பட்டனர்.
‘ராஜா ராணி’ படத்தில் நடித்த நயன்தாராவுடன் காதல் என்றனர். அவருக்கு வீட்டில் அழைத்து விசேஷ விருந்து கொடுத்தார். ‘நான் கடவுள்’ படத்தில் நடித்த பூஜாவுடனும் சேர்த்து பேசப்பட்டார். இப்போது கன்னட நடிகை தீபா சன்னிதியுடன் இணைத்து பேசப்படுகிறார்.
இது குறித்து தீபா சன்னிதியிடம் கேட்ட போது வழக்கமாக எல்லா நடிகைகளும் மறுப்பது போல் மறுத்தார். அவர் கூறியதாவது:–
ஆர்யாவும், நானும் ‘யட்சன்’ படத்தில் நடிக்கிறோம். அவருடன் நான்கு ஐந்து நாட்கள்தான் சேர்ந்து நடித்துள்ளேன். அதற்குள் காதல் என்று வதந்தி பரப்பி உள்ளனர். இதை கேட்டதும் எனக்கு சிரிப்புதான் வந்தது. எங்களுக்குள் காதல் எதுவும் இல்லை. நான் தற்போது பெங்களூரில் இருக்கிறேன்.
‘யட்சன்’ படத்தின் அடுத்த கட்ட படப்பிடிப்பு செப்டம்பரில் நடக்கிறது. அப்போது மீண்டும் அந்த படத்தில் நடிப்பதற்காக வருவேன். சித்தார்த்துடனும் தமிழ் படத்தில் நடிக்கிறேன். தமிழை புரிந்து கொள்கிறேன். ஆனால் பேசுவதில் கஷ்டம் உள்ளது. விரைவில் தமிழ் வசனம் பேச கற்றுக் கொள்வேன்.
இவ்வாறு அவர் கூறினார்.
