தஞ்சாவூர் மாவட்டம் கும்பகோணம், திருவிடைமருதூர் அருகே உள்ள சூரியனார் கோயில் நவக்கிரங்களில் ஒன்றான பரிகார ஸ்தலமாக விளங்கி வருகிறது. தமிழகத்தில் உள்ள பழமையான சைவ மடங்களில் சூரியனார் கோயில் மடமும் ஒன்று.
இந்த ஆதீனத்தின் 28வது மடாதிபதியாக மகாலிங்க சுவாமிகள் இருக்கிறார் இவருக்கு வயது 54. இந்த நிலையில் மகாலிங்க சுவாமி கர்நாடகாவில் ஹேமாஸ்ரீ என்ற பெண்ணை பதிவு திருமணம் செய்து கொண்டதாக சில தினங்களாக தகவல் பரவியது.
திருமணத்திற்கான பதிவுச் சான்றிதழும் சமூக வைலதளங்களில் வைரலானது. இது ஆதீன மடங்கள் மற்றும் ஆன்மிக வட்டாரங்களில் பெரும் பரபரப்பை ஏற்படுத்தியது. சூரியனார் கோயில் மடத்தின் நிர்வாகமும் மடாதிபதி திருமணம் செய்து கொண்டதை உறுதி செய்தது. இந்த நிலையில் கடந்த அக்டோபர் மாதம் 10 ம் தேதியே மடாதிபதி மகாலிங்க சுவாமிக்கும், 47 வயதாகும் ஹேமாஸ்ரீ என்ற பெண்ணுக்கும் கர்நாடகாவில் முறைப்படி பதிவுத் திருமணம் நடந்துள்ளது.
தமிழகத்தில் உள்ள 18 சைவ ஆதீனங்களில் ஒன்று சூரியனார் கோவில் ஆதீனம். இதில் முன்பிருந்த ஆதீனங்கள் யாரும் திருமணம் செய்து கொள்ளவில்லை. ஆனால் 28-வது மடாதிபதி திருமணம் செய்து கொண்டதால் மடத்தின் மாண்பு குறைந்து விட்டதாக ஆன்மிக ஆர்வலர்கள் பேசி வருகின்றனர். ஆனால் இந்த திருமண விவகாரம் பேசு பொருளாக ஆகியிருந்தாலும் சலசலப்பு எதுவுமின்றி வழக்கம் போல் மடத்தின் நிர்வாகம் செயல்பட்டு வருகிறது. செம்மீன் - கடல் அன்னையின் கோபம் | My Vikatan
இது குறித்து சூரியனார் கோவில் ஆதினத்தின் மடாதிபதி மகாலிங்க சுவாமிகளிடம் பேசினோம், "நான் ஹேமாஸ்ரீயை திருமணம் செய்து கொண்டது உண்மைதான். கர்நாடகாவில் வீரசைவ மடம், வைணவ மடம், பண்டிட் ரவிசங்கர் ஜி மடம், ராஜராஜேஸ்வரி பீடம் போன்ற மடங்கள் உள்ளன. ஆனால் சைவ மடம் அங்கு இல்லை. இதனால் சைவ மடம் கட்டுவதற்கான ஏற்பாட்டை செய்தோம். இதற்கு பிடரி நகரில் உள்ள தனக்கு சொந்தமான இடத்தை ஹேமாஸ்ரீ வழங்கினார். மடம் அமைப்பதற்கான பணிகள் நடந்து வருகிறது.
அங்கு கட்டப்படும் மடத்தின் டிரெஸ்டியாக ஹேமாஸ்ரீயை நியமனம் செய்துள்ளோம். இந்தநிலையில் அவரை திருமணம் செய்துள்ளேன். சூரியனார் கோயில் ஆதீனத்தில் இதற்கு முன்பு மடாதிபதியாக இருந்தவர்கள் திருமணம் செய்துள்ளனர் என்பதால் இதில் பெரிய சர்ச்சைகள் எதுவும் இல்லை. ஆதினத்தின் பூஜைகள், நிர்வாகம் எப்போதும் போல் சரியாக நடக்கும். சூரியனார் கோவில் ஆதீனத்தில் ஹேமாஸ்ரீ பக்தராக மட்டும் வந்து செல்வார்" என்றார்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb
