இசையமைப்பதில் பிசியாக இருந்தாலும் தயாரிப்பு நிறுவனம் ஒன்றை தொடங்கி, படங்களை தயாரிக்கவும் முடிவு செய்துள்ளார். அதன்படி, தயாரிப்பு நிறுவனம் ஒன்றை தொடங்கியுள்ள ஏ.ஆர்.ரகுமான், அதன்மூலம் இந்தி படம் ஒன்றை தயாரிக்கவுள்ளார்.
இதுகுறித்து அவர் கூறும்போது, ‘வாழ்க்கை தரும் அனுபவங்கள், பயணங்கள் காட்டும் மனிதர்கள். நமக்குள்ளே கதைகளை உருவாக்குகிறது. எனக்குள்ளும் நிறைய கதைகளை உருவாக்கி இருக்கிறது. அவற்றில் சிறந்த ஒன்றை தேர்வு செய்து படமாக எடுக்கிறேன். இந்த படத்தில் 20 வயதுள்ள புதுமுக ஹீரோ நடிக்கிறார். இயக்குனரும் தேர்வாகி விட்டார். எனது நிறுவனத்துடன் இணைந்து ஈராஸ் இண்டர்நேஷனல் நிறுவனமும் இணைந்து தயாரிக்கிறது.
இந்த பணிகள் முடிந்ததும் தமிழில் படம் தயாரிக்கிறேன். ஒரே நேரத்தில் இரண்டு படங்களை தயாரிக்கும் திட்டம் உள்ளது. இதற்கான பணிகளும் தொடங்கி விட்டது. சினிமா இயக்கும் எண்ணம் இல்லை. அது பெரிய பொறுப்பு. எதை என்னால் சுமக்க முடியாது’ என்கிறார்.
