இந்நிலையில், பணியில் சேர்ந்தபோது அந்த ஆசிரியை அளித்திருந்த சாதிச் சான்றிதழில் பிரச்சனை உள்ளதாகவும், விஜிலென்ஸ் அதிகாரிகள் இதைக் கண்டுபிடித்து விட்டால், ஓய்வுக் காலப் பலன்களை அந்த ஆசிரியை பெற முடியாது என்றும் மிரட்டிய ரெயில்வே பள்ளியின் தலைமையாசிரியர் நாகேஷ்வர்ராவ் மற்றும் ரெயில்வே பள்ளி அலுவலக கண்காணிப்பாளர் நரசிம்மலு ஆகியோர், இவ்விஷயத்தை சரி செய்ய 3 லட்சம் ரூபாய் லஞ்சம் தர வேண்டும் என்றும் வலியுறுத்தினர்.
இவர்களின் மிரட்டலை சி.பி.ஐ. போலீசாருக்கு ஆசிரியை தெரிவிக்க, கையும் களவுமாக அவர்களை பிடிக்க வலை விரிக்கப்பட்டது.
இதனையடுத்து, ஆசிரியையின் வீட்டுக்கு இருவரும் வரவழைக்கப்பட்டனர். ரொக்கப்பணம் 1 லட்சம் ரூபாய் மற்றும் 2 லட்சம் ரூபாய்க்கான காசோலை ஆகியவற்றை தலைமையாசிரியர் நாகேஷ்வர்ராவ் மற்றும் அலுவலக கண்காணிப்பாளர் நரசிம்மலு ஆகியோர் பெற்றுக் கொண்டபோது, மறைந்திருந்த சி.பி.ஐ. அதிகாரிகள் பாய்ந்துச் சென்று அவர்களை கைது செய்தனர்.
அவர்கள் இருவரும் இன்று கோர்ட்டில் ஆஜர்படுத்தப்பட உள்ளதாக சி.பி.ஐ. அதிகாரிகள் தெரிவித்தனர்.
